<< اقفلوا الميه شويه .. عايزيننغسل المواعين >>
استيقظت على تلك العباره التى دوما ما استيقظ عليها .. لابدا يوما عصيبا جديدا .. ترى مايحمله لى هذا اليوم ؟!! .. لنرى ....
اغتسلت ثم اشعلت لفافة تبغ لادخنها جوار كوبا من الشاى الاسود .. الى ان حدث ما كنت اخشاه .. (خناقه) بين (مرعى) و (زغلول) جيرانى .. لابد انه نفس السبب .. بالطبع توقعته معى .. انه الموبايل اللعين .. فبعدما عثر ابوهم (المعداوى) فى الطريق ذات يوم وهم دوما ما يتشاحنوا من اجله .......
_ انت سرقت موبايلى يا ابن الــــ.....
_ موبايلك مين اللى سرقته .. متصتبح عالصبح .
_ يا ولاد صلوا عالنبى .. انتوا رجعتوا تانى تتخانقوا عالمخروب ده؟!
_ يا اما انا الكبير و لازم (زغلول) يسمع كلامى و الا هطلع عين اهله .
_ بقولك ايه يا (مرعى) انا اللى هاخد العده النهارده انا محتاجها .
_ طب وحياة امك مانتا واخدها ...
ومن هنا بدات المعركه من اجل عدة موبايل .. فقد قذف (مرعى) اخاه بصحن الفول فى وجهه لتبدا معركه جديده بينهما يعلم الله على ما ستنتهى .
تعلوا صرخات الام لاهثة طالبة النجده من سكان < المخروبه اللى عايشين فيها>
_ مالك يا ام مرعى؟!
_ العيال هيموتوا بعض عشان خاطر المخروب ده اللى اسمه (المنشال) ..
الكثير من اللكمات .. الزجاج المحطم يتناثر على الارض .. صرخات الام تعلوا .. المزيد من << ياخونا صلوا عالنبى تليفون ايه بس اللى بتتخانقوا عليه ؟!>>
.. يصعد الدم فى راس (مرعى) .. يضرب اخاه بعصاه الغليظه علىراسه و.....
< ياحول ولا قوة الا بالله >
<معقول (مرعى) يموت اخوه عشان موبايل؟!>
<ولا المسكينه (ام مرعى) بعد واحد ممات والتانى اتسجن حالها بقى يصعب عالكافر >
من اجل هاتف قتل انسان و سجن اخر .. من اجل هاتــ.... هل تروا معى( ام مرعى) ؟ انها ........
<< يا (مرعى) .. يا حبيبى يا (زغلول) .. تعالوا يا ولاد جبتلكوا موبايلات لعبه معايا .. موبايل موبايل .. موبايل موبايل >>